Քրեական ոստիկանության մարդու և սեփականության դեմ ուղղված հանցագործությունների դեմ պայքարի վարչության ծառայողները հոկտեմբերի 22-ին ստացել են օպերատիվ տեղեկություն, որ Գյումրի քաղաքի բնակիչ, 35-ամյա մի տղամարդ պատրաստվում է Երևանից թմրանյութ տեղափոխել Գյումրի։
Քրեական ոստիկանության ծառայողները համագործակցել են Աշտարակի բաժնի գործընկերների հետ, և նույն օրը Երևան-Աշտարակ ճանապարհին գյումրեցի տղամարդը ձերբակալվել և, ավտոմեքենայով հանդերձ, տեղափոխվել է Աշտարակի բաժին։

Ոստիկանությունից հայտնում են, որ անձնական խուզարկությամբ հայտնաբերվել է ծալովի դանակ, իսկ մեքենայի խուզարկությամբ` երկու փաթեթ, որոնք լցված են եղել 72 և 436 գրամ քաշերով մարիխուանայի նմանվող զանգվածով։

Փաստի առթիվ Արագածոտնի մարզային քննչական վարչությունում նախաձեռնվել է քրեական վարույթ։
Նախաքննությամբ հանգամանքները պարզվում են։