Ադրբեջանի պաշտպանության նախարարությունը հերթական կեղծ  հաղորդագրությունն է տարածել այն մասին, թե իբր ՀՀ ԶՈւ ստորաբաժանումները կրակ են բացել ադրբեջանական դիրքերի ուղղությամբ: Այս մասին հայտնում է Պաշտպանության նախարարությունը։

«ՀՀ ԶՈՒ ստորաբաժանումները կրակ չեն բացել ադրբեջանական դիրքերի ուղղությամբ, իսկ Ադրբեջանի ՊՆ նմանօրինակ ապատեղեկատվության ամենօրյա տարածումը ոչ այլ ինչ է, քան արհեստականորեն սահմանային  լարվածություն ստեղծելու փորձ»,- նշվում է հաղորդագրության մեջ։