Հոկտեմբերի 5-ին, ժամը 19։00-ին Ճգնաժամային կառավարման ազգային կենտրոն ահազանգ է ստացվել, որ Գեղարքունիքի մարզի Սևան քաղաքի Գոմաձոր թաղամասի մոտակա սարերում այրվում է խոտածածկ տարածք։

Արտակարգ իրավիճակների նախարարության փոխանցմամբ՝ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ 

Հրդեհը մեկուսացվել է ժամը 21։32-ին, մարվել՝ 22։18-ին։ Այրվել է մոտ 100 հա խոտածածկույթ։