Արցախի Հանրապետության նախագահ Արայիկ Հարությունյանը և Արցախի Ազգային ժողովի պատվիրակությունը այս պահին գտնվում են Երևանում։ 

Արցախի նախագահի մամուլի քարտուղար Լուսինե Ավանեսյանի հաղորդմամբ, ՀՀ իշխանությունների հետ նախատեսված են քաղաքական խորհրդակցություններ, որոնց շրջանակներում քննարկվելու է ստեղծված իրավիճակը, ներկայացվելու են Արցախի ժողովրդի մտահոգություններն ու իշխանությունների դիրքորոշումները: