Սեպտեմբերի 1-ին՝ ժամը 15։38-ին, Գեղարքունիքի մարզային ճգնաժամային կառավարման կենտրոն ահազանգ է ստացվել, որ Ներքին Գետաշեն և Մադինա գյուղերի դաշտերում այրվում է խոտածածկույթ։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ հրդեհը բռնկվել է «Կազոնի» կոչվող հանդամասում։

Հրդեհը մեկուսացվել է ժամը 17:15-ին, մարվել՝ 18:30-ին: Այրվել է մոտ 20 հա խոտածածկույթ։