Արցախի առողջապահության նախարար Միքայել Հայրիյանը ֆեյսբուքյան իր էջում հայտնել է, որ այս պահի դրությամբ կա ընդհանուր՝ 19 վիրավոր, 4 վիրավոր գտնվում են ծանր վիճակում, որից մեկը՝ ծայրահեղ ծանր։ Մնացած վիրավորների վիճակը գնահատվում է թեթև և միջին ծանրության։

Հիշեցնենք՝ օգոստոսի 3-ի առավոտվանից Ադրբեջանի զինված ուժերը նռնականետեր և անօդաչու թռչող սարքեր են կիրառում Պաշտպանության բանակի դիրքերի ուղղությամբ։ Ադրբեջանական գործողությունների հետևանքով զոհվել է ՊԲ երկու զինծառայող։