Հունիսի 21-ին՝ ժամը 09։00-ից, մեկնարկել է պետական հանրակրթական դպրոցների առաջին դասարան գնացող այն երեխաների ընդունելության հայտագրման գործընթացը, որոնց ծնողներից մեկը տվյալ դպրոցի աշխատակից է, կամ երեխան տվյալ դպրոցում արդեն սովորող հարազատ քույր կամ եղբայր ունի: Այս մասին հայտնում է ԿԳՄՍ նախարարությունը։

Հայտագրումն իրականացվում է և՛ հայերեն, և՛ ռուսերեն ուսուցմամբ դասարանների համար։

Հայերեն ուսուցմամբ դասարանների համար անհրաժեշտ է անցնել hayt.emis.am, իսկ ռուսերեն ուսուցմամբ դասարանների համար՝ haytru.emis.am հղումներով։