Աբովյանում տեղի ունեցած վթարից հետո գանգուղեղային ծանր վնասվածքներով «Սուրբ Աստվածամայր» ԲԿ է տեղափոխվել 15-ամյա աղջիկ։ Այս մասին հայտնում է բժշկական կենտրոնի մամուլի խոսնակ Գևորգ Դերձյանը։

«Ունի գլխուղեղի և թոքերի սարջարդ, ազդրոսկրերի կոտրվածքներ: Անգիտակից է, միացված է արհեստական շնչառության սարք: Գտնվում է վերակենդանացման բաժանմունքում: Բժիշկները պայքարում են նրա կյանքի համար»,- գրել է Դերձյանը։

Հիշեցնենք, որ երեկ՝ փետրվարի 20-ին, Աբովյան քաղաքում բախվել էին Opel Vectra (վարորդ՝ Վ. Կ.), BMW և VAZ-2106 մակնիշի ավտոմեքենաները, որի հետևանքով տուժել էր 1, զոհվել 5 մարդ։