Այսօր՝ դեկտեմբերի 13-ին, ռուս խաղաղապահների միջնորդությամբ Ամարասում հանվել է դեկտեմբերի 10-ին դաշտում մնացած տրակտորը, ինչպես նաև շարունակվել են աշնանացանի աշխատանքները։

Այս մասին տեղեկանում ենք Սարուշեն համայնքի ֆեյսբուքյան էջից։ Համայնքը շնորհակալություն է հայտնում ռուս խաղաղապահներին։

Հիշեղնենք, որ դեկտեմբերի 10-ին և 11-ին, երբ Սարուշեն համայնքի բնակիչները Ամարասի հովտում իրենց պատկանող հողամասերում գյուղատնտեսական աշխատանքներ են կատարել, ադրբեջանցիները կրակ են բացել տրակտորների ուղղությամբ։ 

Արձակված կրակահերթերի պատճարով վնասվել էր տրակտորներից մեկի կողային հայելին, տրակտորներից մեկը մնացել է դաշտում։ Մարդկային  կորուստներ և վիրավորներ չեն եղել։