Երեկ՝ ժամը 10:51-ին, արտակարգ իրավիճակների նախարարությունը ոստիկանությունից տեղեկություն է ստացել, որ Նոյեմբերյան-Իջևան ավտոճանա­պարհի 9-րդ կմ-ում` Ջուջևան գյուղի մոտ, տեղի ունեցել ավտոպատահար, կա տուժած և անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: Դեռևս չպարզված հանգամանքներում «ՎԱԶ-2102» մակնիշի 29 SU 911 պ/հ ավտոմեքենան դուրս է եկել ճանապարհի երթևեկելի հատվածից և բախվել ճամփեզրի ժայռաբեկորին:

Պատահարի հետևանքով վարորդ` 1975 թ. ծնված Ս. Խաչիկյանը ստացել է տարբեր մարմնական վնասվածքներ ու տեղափոխվել Նո­յեմ­բեր­յանի հիվանդանոց: Բժիշկների գնահատմամբ` նրա առողջական վիճակը միջին ծանրության է:

Ձևա­խախտված ավտոմեքենայում արգելափակված ուղևորը` Նոյեմբերյանի հրշեջ-փրկարարական ջոկատի փ/ծ ավագ սերժանտ, 1973 թ. ծնված Սմբատ Գուլքանյանը, մինչև հրշեջ-փրկարարների կողմից ավտո­մե­քե­­­նայից դուրս բերվելը, ստացած վնասվածքներից մահացել է: Այս մասին հայտնում է Արտակարգ ալիք լրատվական կենտրոնը:

Լուսանկարը՝ Գագիկ Շամշյանի