«Ազգային-ժողովրդավարական բևեռ» կուսակցության խորհուրդը հայտարարություն է տարածել այն մասին, որ կուսակցության առաջնորդը մերժել է վարչապետի պաշտոնակատարի հետ հանդիպելու առաջարկը:

«Ազգային-ժողովրդավարական բևեռը առաջարկ է ստացել Նիկոլ Փաշինյանից` որպես ընտրություններին մասնակցած ուժ, ի դեմս Բևեռի ցուցակի առաջին համար, վարչապետի նախկին թեկնածու Վահե Գասպարյանի` իր հետ հանդիպելու։

Առաջարկը պաշտոնապես փոխանցել է նրա խորհրդական Արայիկ Հարությունյանը։

Ազգային-ժողովրդավարական բևեռը մերժել է հանդիպման առաջարկը։

Բևեռը նպատակահարմար չի համարում Նիկոլ Փաշինյանի հետ հանդիպել»,- նշված է գրառման մեջ։