Կենտրոնական ընտրական հանձնաժողովն այսօր արտահերթ նիստ էր հրավիրել՝ օրակարգում ունենալով 7 հարց: 

Հունիսի 20-ի ԱԺ արտահերթ ընտրություններին մասնակցող մի շարք կուսակցությունների, դաշինքների ընտրական ցուցակներում ընդգրկված թեկնածուներ ինքնաբացարկի դիմումներ էին ներկայացրել։ ԿԸՀ-ն քվեարկություններով դիմումները բավարարեց, մեկը՝ մերժվեց, քանի որ թեկնածուն չէր ներկայացել նիստին, իսկ դիմումը նոտարական վավերացում չուներ:

Հարցերից հաջորդը վերաբերում է Ազգային ժողովի արտահերթ ընտրությունների ժամանակ քվեարկության ընթացքի և քվեարկության արդյունքների ամփոփման գործընթացի տեսանկարահանում և միաժամանակյա  համացանցային հեռարձակում իրականացնելու թույլտվություն տալու մասին:

Հանձնաժողովը թույլ տվեց «Յուքոմ» ընկերությանը, որպեսզի վերջինս 1500 տեղամասերից իրականացնի ուղիղ հեռարձակում՝ քվեարկության ընթացքի և քվեարկության արդյունքների ամփոփման գործընթացի տեսանկարահանում և միաժամանակյա  համացանցային հեռարձակում իրականացնելու նպատակով:

Ուղիղ հեռարձակումն իրականացնելու է նոր ստեղծված կայքի միջոցով: