Նախընտրական փուլում կատարված հանցագործությունների առնչությամբ 27 նյութ է նախապատրաստվում:

Խորհրդարանում լրագրողների հետ զրույցում տեղեկացրեց ոստիկանության պետի տեղակալ Արա Ֆիդանյանը:

«27 նյութ է նախապատրաստվում, ուսումնասիրություններ են կատարվում այդ 27 դեպքով՝ նախընտրական փուլում կատարվող հանցագործությունների հետ կապված, այդ թվում 14-ը գույքի վնասման հետ կապված՝ պաստառների վնասում»,- ասաց նա:

14-ից 12-ը երկրորդ նախագահ, «Հայաստան» դաշինքի առաջնորդ Ռոբերտ Քոչարյանի պաստառներն են եղել: Ըստ Ֆիդանյանի` վնասողները եղել են ֆիզիկական անձինք: Վերջինիս հաղորդմամբ` ընտրակաշառքի առնչությամբ այս պահի դրությամբ որևէ ռեալ դեպք չի արձանագրվել: