Այսօր ՀՀ Ազգային ժողովի նախագահ Սամվել Նիկոյանն ընդունեց Ռուսաստանի արտաքին գործերի նախարար Սերգեյ Լավրովի գլխավորած պատվիրակությանը:

Սերգեյ Լավրովը շնորհակալություն հայտնեց Ռուսաստանում կայացած ընտրություններում հայ խորհրդարանականների՝ որպես դիտորդ մասնակցության համար և հաջողություն մաղթեց Հայաստանում կայանալիք խորհրդարանական ընտրություններին: Նա ասաց, որ ռուսական կողմն ակտիվ ընդգրկվածություն է ունենալու տարբեր դիտորդական առաքելություններում:

ԱԺ հասարակայնության և տեղեկատվության միջոցների հետ կապերի վարչության հաղորդմամբ՝ հանդիպման ընթացքում անդրադարձ եղավ նաև ղարաբաղյան հակամարտության կարգավորման գործընթացին, դրանում Մինսկի խմբի դերակատարությանը, երկկողմ և տարածաշրջանային այլ խնդիրների: