Ինչպես տեղեկացրել էինք, Արարատի մարզի թիվ 17 ընտրատարածքում առաջադրվել են Հովիկ Աբրահամյանի եղբայր՝ Հենրիկ Աբրահամյանը, եւ նրա զարմուհին՝ Արտաշատի թիվ 1 դպրոցի տնօրեն Կարինե Պողոսյանը: Երկուսն էլ ՀՀԿ անդամ են, սակայն կուսակցությունը սատարում է Կարինե Պողոսյանին, իսկ Հենրիկ Աբրահամյանն ինքնաառաջադրվել է:

Կարինե Պողոսյանը «Հետքի» հետ զրույցում ասաց, թե ինքն արձակուրդի մեջ է եւ Հենրիկ Աբրահամյանի հետ չի հանդիպել ու այս թեմայով չի խոսել:

«Մենք միասին կպայքարեն, ի՞նչ է եղել: Մենք անպայման իրար կպաշտպանենք: Բոլորովին նեղացած չեմ, ինչո՞ւմն է հարցը, 100 տոկոսով համոզված եղեք, որ նեղացած չեմ ու արտառոց ոչինչ չկա»,-ասաց Կարինե Պողոսյանը:

Պատգամավորի թեկնածուն խոստացավ մի քանի օրից ստույգ պատասխանել, թե ինչու է իր ազգականն իր դեմ առաջադրվել: Նա այս ընթացքում կփորձի հանդիպել Հենրիկ Աբրահամյանին: