Մարտի 18-ին՝ ժամը 02.10-ին, տեղեկություն է ստացվել, որ  Սյունիքի մարզի Ծավ գյուղի մոտակայքում` «Արևիկ» պարկ-արգելանոցում, մոլորվել են նույն գյուղի 3 բնակիչ և անհրաժեշտ է փրկարարների օգնությունը:

Որոնողական աշխատանքների են մեկնել Կապանից 3 հրշեջ-փրկարար և 3 փրկարար:

Ժամը 12.55-ին Սյունիքի մազրային փրկարարական վարչության օպերատիվ խումբն «Արևիկ» ազգային պարկի տնակներում հայտնաբերել է Կապանի բնակիչներ 1967 թ. ծնված Սպարտակ Թադևոսյանին, 1967 թ. ծնված Արթուր Սարգսյանին և 1970 թ. ծնված Վարդան Գալստյանին:

Նրանց առողջական վիճակը գնահատվել է բավարար: