Տարածքային կառավարման և ենթակառուցվածքների նախարարությունը հայտնում է, որ Տ-1 -51, Հ-21-Վարդաբլուր ավտոճանապարհի 2 կմ երկարությամբ հատվածում իրականացվում են հիմնանորոգման աշխատանքներ։

Կապալառու կազմակերպության՝ «Վառմաշ» ՍՊԸ-ի կողմից Արագածոտնի մարզով անցնող այս ավտոճանապարհի վրա իրականացվում են հողային աշխատանքներ, ջրահեռացման համակարգերի, կամրջի վերանորոգում, բազալտե եզրաքարերի, անվտանգության տարրերի, գյուղտեխնիկայի անցումների, նշանների, ասֆալտբետոնե ծածկի տեղադրում և գծանշում։

Հիմնանորոգման աշխատանքների պայմանագրային արժեքն է շուրջ 162 միլիոն դրամ։