Խորհրդարանի հերթական նիստում քննարկվում է «Բարգավաճ Հայաստան» խմբակցության ղեկավար Գագիկ Ծառուկյանի նկատմամբ քրեական հետապնդում հարուցելու և ազատությունից զրկելու վերաբերյալ գլխավոր դատախազ Արթուր Դավթյանի ներկայացրած միջնորդագրերը: Ելույթով հանդես եկավ դատախազ Արթուր Դավթյանը, որին իրենց հարցերն ուղղեցին պատգամավորները։ Խորհրդարան ժամանեց նաեւ «Բարգավաճ Հայաստան» խմբակցության ղեկավար Գագիկ Ծառուկյանը։ Նա նշեց, որ հարուցված գործերը շինծու են։