Տեսանյութեր
Լուսանկարներ
Արմեն Աշոտյանը հանձնարարել է կանխել դպրոցներում մարտի 8-ի և ապրիլի 7-ի առթիվ ապօրինի դրամահավաքը
Կրթության և գիտության նախարար Արմեն Աշոտյանը շրջաբերական նամակով դիմել է մարզպետներին և Երևանի քաղաքապետին՝ առաջարկելով քայլեր ձեռնարկել դպրոցներում մարտի 8-ի և ապրիլի 7-ի առաջիկա տոնական միջոցառումների հետ կապված ապօրինի դրամահավաքը կանխելու և արգելելու ուղղությամբ:
ԿԳՆ կայքի տեղեկացմամբ՝ Արմեն Աշոտյանի շրջաբերականի համար հիմք են դարձել նախարարության «Թեժ գիծ» հեռախոսակապով և սոցիալական ցանցով ստացված ահազանգերը: Նախարարը ԿԳՆ հանրակրթության վարչությանը հանձնարարել է հանձնարարականի մասին տեղեկացնել ուսումնական բոլոր հաստատություններին:
Խնդրին Արմեն Աշոտյանն անդրադարձել է նաև նախօրեին հրավիրված աշխատանքային խորհրդակցության ժամանակ՝ նշելով, որ պետք է ձեռնարկել բոլոր անհրաժեշտ միջոցները, որպեսզի դպրոցներում բացառվի ուսուցչի հեղինակությունն արատավորող որևէ դրսևորում:
«Անհրաժեշտ է, որ դպրոցի տնօրինությունն ակտիվ բացատրական աշխատանք ծավալի ծնողական խորհուրդների հետ՝ ապօրինի դրամահավաքության նախաձեռնությունները կանխելու նպատակով: Ծնողական համայնքի աջակցությունն ու մասնակցությունը դպրոցի խնդիրների լուծմանը կարող է կազմակերպվել բացառապես կամավորության հիմքով՝ բանկային փոխանցումների տարբերակով»,- ասել է Արմեն Աշոտյանը:
Մեկնաբանություններ (3)
Մեկնաբանել