Պորտուգալացիների առավելությունն ու բազմափիվ պահերը, այդ թվում՝ դարպասաձողին հարվածները չեխերի հետ խաղում «Եվրո-2012»-ի 1/4 եզրափակչում ի վերջո տվեցին իրենց պտուղը. 79-րդ րոպեին թիմի առաջատար Կրիշտիանու Ռոնալդուի գոլը պիրենեյցիներին պարգեւեց կիսաեզրափակչի բաղձալի ուղեգիրը: Իսկ այդ խաղում Պաուլու Բենտուի սաները կմրցեն Իսպանիա-Ֆրանսիա զույգի հաղթողի հետ:

Փաստորեն պորտուգալացիները 2004 թ. նման հաղթահարեցին այս արգելքը, այնինչ նախորդ առաջնությունում՝ 2008-ին, նրանք գերմանացիներին զիջեցին ճանապարհը 2-3 պարտվելուց հետո:

Դե իսկ թիմի ավագ ու գոլահար Ռոնալդուն լավագույն գոլահարների ցուցակում իր 3 գոլով հավասարվեց գերմանահպատակ Գոմեսին, ռուսաստանցի Ձագոեւին ու հորվաթ Մանջուկիչին:

Այսօր ուշ երեկոյան կհանդիպեն Գերմանիան ու Հունաստանը:

Լուս.՝ AFP/Getty Images-ի