ՈւԵՖԱ-ն կարգապահական վարույթ է հարուցել Դանիայի հավաքականի հարձակվող Նիկլաս Բենտների դեմ, որը Պորտուգալիայի հետ խաղում գոլ խփելուց հետո այնպես է արել, որ հանրությունը տեսնի իր ներքնազգեստի վրա գրված գովազդը, ինչ արգելվում է օրենքով: Բենտների գործը կլսվի երկուշաբթի: 

Բացի այդ՝ ՈւԵՖԱ-ի կարգապահական կոմիտեն որոշել է 25.000 եվրոյով տուգանել Հորվաթիայի ֆուտբոլի ֆեդերացիային, քանի որ հորվաթ երկրպագուները իռլանդացիների հետ խաղի ընթացքում օգտագործել էին հրավառ տեխնիկա, դաշտ էին նետել տարբեր առարկաներ, նրանցից մեկն էլ ներխուժել էր խաղադաշտ: 

Եվ կրկին նույն հորվաթ ֆանատների անկարգապահությունների պատճառով (հրավառ տեխնիկայի կիրառում, ռասիստական կոչեր Իտալիայի հետ խաղում) ՈւԵՖԱ-ն հարուցել է հերթական գործը, որը կլսվի երեքշաբթի՝ ամսի 19-ին: