Տեսանյութեր
Լուսանկարներ
Ռուսաստանն սկսեց հաղթանակով
«Եվրո-2012»-ում առաջին հաղթանակը, այն էլ խոշոր հաշվով, գրանցվեց Ռուսաստան-Չեխիա խաղում: Չեխերի մեկնարկային ակտիվությունը մարեց այն ժամանակ, երբ Ադվոկատի սաները տեմպ հաղորդեցին իրենց գործողություններինն ու աստիճանաբար ավելի ու ավելի սպառնալից սկսեցին գրոհել Պետեր Չեխի դարպասին: Եվ 15-րդ րոպեին էլ՝ Կերժակովի գլխով հարվածից հետո, երբ գնդակը դիպավ ուղղահայաց դարպասաձողին, Ալան Ձագոեւը առաջինը հասավ գնդակին ու այն մխրճեց դարպասը:
Ռուսները շարունակեցին ակտիվ գրոհները, իսկ չեխերին մնում էր հակագրոհների փորձեր անել: Արդեն 24-րդ րոպեին խորքից կատարված փոխանցումը իր ավարտին հասցրեց Ռոման Շիրոկովը՝ 2-0:
Երկրորդ խաղակեսի սկզբում չնայած չեխերն առանձնապես աչքի չէին ընկնում սրությամբ, սակայն այդպիսի մի պահ եղավ. Պիլարժը մեն-մենակ մնաց դարպասապահ Մալաֆեեւի դեմ, շրջանցեց նրան ու կրճատեց հաշվի տարբերությունը՝ 2-1: Չեխերի մոտ խաղը փրկելու հույս առկայծեց, սակայն ավելի վտանգավոր էին գործում ռուսները: Օրվա անհաջողակը՝ Կերժակովը, այդպես էլ չկարողացավ անվրեպ հարված կատարել, ինչը Ադվոկատին ստիպեց փոխարինում կատարել: Դաշտ մտած Ռոման Պավլյուչենկոն ակտիվ ներգրավվեց խաղին: Հենց նրա փոխանցումից հետո Ալան Ձագոեւը դիմահար հարվածով 3-րդ անգամ հիասթափեցրեց Չեխին: Այս գոլն, ըստ էության, կոտրեց նաեւ Չեխիայի ամբողջ հավաքականին:
Իսկ ռուսները սկսեցին գործել ավելի անկաշկանդ: Նույն Պավլյուչենկոն 82-րդ րոպեին մրցակցի տուգանային հրապարակում ցուցադրեց իր վարպետությունը եւ, խաբքերի միջոցով ձեռնունայն թողնելով պաշտպաններին, 4-րդ անգամ խոցեց դարպասը: Չեխը հասավ գնդակին, սակայն ոչ ավելին: Գեղեցիկ գոլ ստացվեց:
Եվ այսպես՝ Ռուսաստանի ընտրանին տարավ 4-1 հաշվով հաղթանակ ու միանձնյա գլխավորեց A խմբի մրցաշարային աղյուսակը, որն ունի այսպիսի տեսք.
|
Ռուսաստան |
1 |
1 |
0 |
0 |
4-1 |
3 |
|
Լեհաստան |
1 |
0 |
1 |
0 |
1-1 |
1 |
|
Հունաստան |
1 |
0 |
1 |
0 |
1-1 |
1 |
|
Չեխիա |
1 |
0 |
0 |
1 |
1-4 |
0 |
Լուս.՝ Getty Images-ի
Մեկնաբանել