Բուլղարիայի նախագահ Ռումեն Ռադևը մայիսի 7-ին պաշտոնական այցով ժամանել է Ադրբեջան: 

Բուլղարիայի նախագահին Բաքվի օդանավակայանում դիմավորել են Ադրբեջանի վարչապետի առաջին տեղակալ Յաղուբ Էյուբովը, արտաքին գործերի նախարարի տեղակալ Յալչին Ռաֆիևը և այլ պաշտոնատար անձինք:

Բուլղարական լրատվամիջոցները հայտնում են, որ այցի ընթացքում նախատեսվում է Ադրբեջանի և Բուլղարիայի միջև ռազմավարական գործընկերության ամրապնդման մասին համատեղ հռչակագրի ստորագրում:

Պատվիրակության կազմում կլինեն Բուլղարիայի էներգետիկայի նախարարի պաշտոնակատարը, Ազգային ժողովում «Բուլղարիա-Ադրբեջան» բարեկամական խմբի նախագահը, բիզնեսի ներկայացուցիչներ:

Ադրբեջան կատարելիք այցի ընթացքում բուլղարական պետության ղեկավարին կուղեկցի նրա կինը՝ Դեսիսլավա Ռադևան:

Լուսանկարը՝ Hristo Rusev/Getty Images