«Ամսի 9-ին մեր ժողովուրդը, Աստծո կամոք, կհասնի Երևան և իր հստակ պահանջները կդնի»

Բագրատ Սրբազան։

Տավուշի թեմի առաջնորդ Բագրատ արքեպիսկոպոս Գալստանյանի առաջնորդությամբ «Տավուշը հանուն հայրենիքի» շարժումը Տավուշից քայլերթով գալիս է Երևան։ Շարժումն ու քայլերթը, ըստ առաջնորդների, մղված են Տավուշի մարզում միակողմանի սահմանազատումների դեմ պայքարին։

Քայլերթը մայիսի 4-ին մեկնարկել է Կիրանցից, նախատեսվում է Երևան հասնել մայիսի 9-ին՝ խորհրդանշական հաղթանակների օրը։

Ճանապարհին քայլերթի մասնակիցներին են միանում բազմաթիվ քաղաքացիներ, Երևան հասնելու ճանապարհին երթի մասնակիցների շարքերը խտանում են։ Շատերը պարզապես մոտենում են՝ ստանալու Բագրատ Սրբազանի օրհնությունը։

Ֆոտոշարքում քայլերթի ընթացքն է մայիսի 5-ին, երբ երթը Դիլիջանից քայլում էր Սևանի խճուղիով դեպի Երևան։