Իրանը հաջող ռազմագործողություն է իրականացրել Իսրայելի դեմ, հրթիռներն ու անօդաչուները կարողացել են հաղթահարել Հրեական պետության հակահրթիռային պաշտպանության համակարգերը: Նման հայտարարությամբ է հանդես եկել Իսլամական հեղափոխության պահապանների կորպուսի հրամանատար գեներալ Հոսեյն Սալամին։

«Մենք գիտենք, որ մեր ռազմագործողությունն ավելի հաջող էր, քան սպասվում էր։ < ...> Իսրայելի կողմից ցանկացած ագրեսիայի նկատմամբ մեր արձագանքը կլինի ավելի խիստ»,- նրա խոսքերը մեջբերել է իրանական պետական Press TV հեռուստաընկերությունը։

Chief Commander of the IRGC Hossein Salami gives his assessment of Iran’s retaliatory operation against the Israeli regime, saying if the Zionist regime targets any of our personnel, properties, and civilians, we will not hesitate to retaliate from our own land. pic.twitter.com/HHhgKnAH6f

— Press TV 🔻 (@PressTV) April 14, 2024

ԻՀՊԿ հրամանատարը հավելել է, որ իրանական անօդաչուներն ու հրթիռները հաղթահարել են «Իսրայելի ենթադրաբար հզոր հակաօդային պաշտպանության համակարգը»:

Իրանի ԶՈւ գլխավոր շտաբի պետ Մոհամադ Բաղերին, որը նույնպես ելույթ է ունեցել Press TV-ի եթերում, նշել է, որ իրանական գործողությունը «համաչափ պատասխան էր» ապրիլի 1-ին Սիրիայում Իրանի հյուպատոսությանը Իսրայելի հարվածին: Բաղերին խոստացել է, որ Իրանը «ավելի զանգվածային» պատասխան կտա Իսրայելի հնարավոր պատասխանին:

Լուսանկարը՝ Atta Kenare/AFP